Әзірлеушілер Н.В. Гоголь атындағы кітапханасына жобалар жасайды

Биыл Н.В. Гоголь атындағы Қарағанды облыстық әмбебап ғылыми кітапханасы өзінің 90 жылдығын атап өтеді. Осы іс-шараға орай әзірлеушілер “HackTheBookshelf” хакатонына қатысуға және аймағымыздың ең көне кітапханаларының бірін жаңартып, оны заманауи оқырманның қажеттіліктеріне бейімдеуіне көмектесетін цифрлық шешімдердің прототиптерін жасауға шақырылады. Үздік жобалар ақшалай сыйлықтармен марапатталады.

Хакатон үш күнге созылады: 6-8 қыркүйек. Осы уақыт аралығында қатысушылар ұсынылған екі кейстердің бірі бойынша өздері әзірлеген шешімдерін ұсыну керек: онлайн-платформаны әзірлеу және кітапханаға арналған мобильді қосымшаны әзірлеу. Жүлде қоры 1 000 000 теңгені төрт үздік атанған команда арасында бөлінетін болады. Сондай-ақ, хакатонның серіктесі Н.В. Гоголь атындағы Қарағанды облыстық әмбебап ғылыми кітапханасы 500 000 теңге көлемінде гран-при ұтысына ие болатын команданы таңдайды.

Іс-шара “Терриконовая долина” ІТ-хабымен бірлесіп, Қарағанды облысының ақпараттандыру, мемлекеттік қызметтер және архивтер басқармасының, сондай-ақ Қарағанды облысының мәдениет, архивтер және құжаттама басқармасының қолдауымен өткізіледі, бұл дегеніміз іс-шара аймағымыздың маңыздылығы мен мәнділігін дәлелдейді. Қатысушылар бағалы сыйлықтарға бақталастыра ғана қоймай, IT-индустрияның өкілдерімен байланыс орнатуға, пікірлес адамдармен идеялармен алмасуға және Қарағанды қаласының мәдени кеңістігін дамытуға нақты үлестерін қосуға мүмкіндік алады.

Хакатон 6 қыркүйек күні басталады. Қатысуға барлық деңгейдегі әзірлеушілерді, сондай-ақ IT мамандықтарында оқып жүрген студенттерді шақырамыз. Байқау Алалыкин көшесі, 12 мекенжайы бойынша орналасқан “Терриконовая долина” IT-хабында өткізіледі. Қатысушылар төмендегі сілтеме бойынша тіркеле алады: https://terricon.kz/ru/hackathon