Астанадан келген backend developer Golang тілі туралы митап өткізеді
2023-04-19 16:17
Go тілі - Google ішінде жасалған көп ағынды бағдарламалау тілі. Ол негізінен веб-қызметтерде және клиент-сервер қосымшаларында қолданылады. 22 сәуір күні IT-хабта митап өтеді, ол жерде Meta, Microsoft, HP, Intel, IBM сияқты компаниялар пайдаланатын Golang туралы толығырақ айтылады.
Астанадан арнайы шақырылған спикер Seven Hills компаниясындағы Backend developer Дамир Тютеев болады. Ол Go тілінде нені ұнататынын және әзірлеушінің қандай артықшылықтары бар екенін айтады. Сарапшы жалпы ақпарат пен фишкаларды, соның ішінде параллельді кодты іске қосуды, синхрондау әдістерін, стандартты кітапханаларды, әдістер мен деректер құрылымдарын талдайды. Сондай-ақ кодты қалай құру керектігін және Go-да көп ағынды қосымшаларды қалай жазу керектігін қарастырады және Golang үйренуді неден бастау керектігі туралы жеке тәжірибемен бөліседі.
Митап жаңа бағдарламалау тілін меңгергісі келетін ІТ- бағыттағы студенттерге, жаңадан бастаушы және жұмыс істеп жүрген әзірлеушілерге пайдалы болады. Қатысу тегін, сіз офлайн немесе онлайн форматында қосыла аласыз. Тіркелу сілтемесі: https://terricon.kz/ru/it
Іс-шара Қарағанды облысының ақпараттандыру, мемлекеттік қызметтер көрсету және архивтер басқармасының қолдауымен өткізіледі.
Ұйымдастырушы: Қарағанды облысының ақпараттандыру, мемлекеттік қызметтер көрсету және архивтер басқармасы. Оператор: "Терриконовая Долина" ІТ-hub-ы; "Терриконовая долина" ЖШС.