Жаңадан бастаушы fullstack-әзірлеушілерге арналған курс басталады
2025-07-31 10:56
2025 жылғы 4-18 тамыз аралығында Қарағанды қаласында web-әзірлеуге арналған интенсивті оқу курсы «Жаңадан бастаушыларға арналған fullstack» өтеді. Бұл курс IT саласына енді қадам басып жатқан студенттер мен жаңадан бастаушыларға арналады. Мақсаты: тек теорияны түсініп қана қоймай, өз қолымен жұмыс істейтін жобалар жасай алуға үйрету.
Курстың авторы әрі оқытушысы - Digital Direction компаниясының fullstack әзірлеушісі Айжан Хасенова. Оқу форматы - күн сайын 2 сағаттық практикалық сабақ. Курстың соңында әр қатысушы өз pet-жобасын жасап шығады. Қатысушылар SQL-де дерекқор құрудан бастап, C# тілінде API жазу, Vue арқылы интерфейс жасау және заманауи UI/UX шешімдерін енгізу сияқты кезеңдерден өтеді. Барлық әзірлеу кезеңдері біртұтас өнімге - толыққанды веб-қосымшаға біріктіріледі. Соңғы күні қатысушылар өз жобаларын ұсынып, тәжірибелі маманнан кері байланыс алады.
Курстың басты ерекшелігі - практикаға және шынайы индустрияда қолданылатын құралдарды меңгеруге баса назар аударылуы. Қатысушылар тек спикердің артынан қайталамай, веб-қосымшалардың архитектурасын түсініп, Git-пен жұмыс істеуді және заманауи технологиялар стегін қолдануды үйренеді.
Бұл курс IT саласына енді келіп жатқан, заманауи әзірлеу үдерісін түсініп, өз портфолиосына алғашқы жобасын қосуды қалайтындар үшін керемет бастама болмақ. Қатысу тегін. Тіркелу сілтемесі: https://terricon.kz/ru/fullstack-dev
Іс-шара Қарағанды облысының ақпараттандыру, мемлекеттік қызметтер көрсету және архивтер басқармасының қолдауымен өткізіледі.