Стартаптың сәтсіздікке ұшырауының ең көп тараған себептерінің бірі: нарықта қажеттіліктің болмауы, қаржылық компонентінің болмауы, нашар команда, жоғары бәсекелестіктің болуы болып табылады. Lean Startup әдістемесі кәсіпкерге ешкімге қажетсіз өнімді жасамау үшін, көп ақша мен күш жұмсау қаупін болдырмауға көмектеседі. Ол туралы толығырақ Akhter Discovery & Design консалтингтік компаниясының негізін қалаушы және CEO-сы Сергей Колосков айтты.
Стартаптың міндеті тек тауар өндіріп, ақша табу ғана емес. Стартап ғылыми тәсілді қолданып, гипотезаларды тәжірибелік жолмен тексере отырып, үздіксіз оқытуды қажет етеді. Сергей қатысушыларға эксперимент, "жасау-бағалау-үйрену" циклі, идеяларды құру және тексеру туралы айтты. Сарапшы гипотеза мен идеяларды қалай тұжырымдау, олар бойынша терең сұхбат жүргізу және ықтимал жұмыс нұсқаларын бөліп көрсету туралы бөлісті.
Сондай-ақ, дәрісте Lean Canvas, өнімді масштабтау және қаржылық модельдер сияқты тақырыптар қарастырылды. Соңында Сергей қатысушыларға тақырыпты бекітуге бірнеше практикалық тапсырмалар беріп, сұрақтарға жауап берді.
Аталған іс-шара Қарағанды облысының ақпараттандыру, мемлекеттік қызмет көрсету және архивтер басқармасының қолдауымен тегін өткізілді.
Ұйымдастырушы: Қарағанды облысының ақпараттандыру, мемлекеттік қызмет көрсету және архивтер басқармасы. Операторы: "Терриконовая Долина" ІТ-hub-ы; "Терриконовая долина" ЖШС