16 қаңтар күні IT-hub «Терриконовая долина» алаңында DevOps және әзірлеу процестерін автоматтандыруғаарналған дәріс өтті. Іс-шараға өнімділікті жылдам шығаруды және техникалық тәуекелдерді азайтуды қалай қамтамасыз ететінін білгісі келген әзірлеушілер, студенттер және жаңа бастаған мамандар қатысты.
Шараның спикері freelance DevOps Engineer Александр Петров болды. Дәріс барысында ол CI/CD жүйесінің тек техникалық құрал ғана емес, өнімнің бизнес-логикасының бір бөлігі екенін нақты мысалдар арқылы көрсетті. Қатысушылар автоматтандырудың сервистердің тұрақтылығына, жаңартулардың жылдам шығуына және әзірлеу мен эксплуатация арасындағы өзара әрекетке қалай әсер ететінін талқылады.
Арнайы назар DevOps тәсілдерін практикалық қолдануға аударылды. Воркшоп барысында қатысушылар React-қосымшасына CI/CD орнату процесін қадам-қадамымен қарастырып, GitHub Actions пен GitHub Pages құралдарымен жұмыс жасады. Тікелей практикалық формат арқасында қатысушылар деплоймент процесінің нақты жұмысын көріп, спикерге типтік қателіктер мен шешімдер бойынша сұрақтар қою мүмкіндігіне ие болды.
Қашан: 16 қаңтар, 19:00
Өтетін орны: «Терриконовая долина» IT-hub-ы, Алалыкин көшесі, 12
Форматы: офлайн / онлайн
Ұйымдастырушы: Қарағанды облысының ақпараттандыру, мемлекеттік қызметтер көрсету және архивтер басқармасы.