Backend-әзірлеуші деректерді басқару курсын өткізді

Мәліметтер базасы - бұл арнайы бағдарламалық жасақтаманың көмегімен сақталатын және өңделетін ұйымдастырылған мәліметтер жиынтығы. 3 маусым күні ІТ-хабта "SQL және Python негіздері: сұраныстар және деректерді басқару" тегін курсы басталды, ол жерде қатысушылар бағдарламалау тілдерін және мәліметтер базасымен жұмыс істеуді үйренді.

Спикер ретінде "Учёт Бухгалтерия" ЖШС-де Backend-әзірлеуші Евгений Табашнюк сөз сөйледі. Курс 3-21 маусым аралығында өтті және 15 сабақтан тұрды. Осы уақыт ішінде қатысушылар PostgreSQL және Python-ға кіріспе, негізгі деректер операциялары, Python-мен жұмыс істеу және Python-дағы негізгі деректер түрлері мен операциялар сияқты бағдарламалау негіздерін зерттеді. Сондай-ақ, бағдарламада Python-нан SQL-сұрауларын орындау, psycopg2 кітапханасын орнату және конфигурациялау тақырыптары қарастырылған. Интенсивтің соңында студенттер Python және PostgreSQL негізінде өз жобаларын әзірлеп, ұсына алды.

Соңында Евгений қорытынды сұрақтарға жауап беріп, одан әрі жұмыс істеу үшін өз ұсыныстарын берді, ал қатысушылар пайдалы дағдылары үшін спикерге алғыстарын білдірді.

Қашан: 3-21 маусым
Өткізілген орны:"Терриконовая долина" IT-hub-ы,
Алалыкин көшесі, 12

Аталған іс-шара Қарағанды облысының ақпараттандыру, мемлекеттік қызметтер көрсету және архивтер басқармасының қолдауымен тегін өткізілді.

Ұйымдастырушы: Қарағанды облысының ақпараттандыру, мемлекеттік қызметтер көрсету және архивтер басқармасы.
Оператор: "Терриконовая Долина" ІТ-hub-ы; "Терриконовая долина" ЖШС.