2 шілдеде «The Underdog’s Playbook: Winning as the #2 Digital Platform» тақырыбында онлайн-оқыту өтеді. Дәріс цифрлық платформалар нарығындағы бәсекелестікке және ірі ойыншылар үстемдік ететін жағдайда өз позициясын нығайтуға ұмтылатын компаниялардың даму стратегияларына арналады. Спикер ретінде London Business School оқу орнындағы Next Generation Digital Strategy бағдарламасының Academic Director-ы Юрий Романенков сөз сөйлейді. Іс-шара ағылшын тілінде өтеді.
Дәріс барысында қатысушылар цифрлық платформалардың көшбасшылығы қалай қалыптасатынын, желілік артықшылықтардың қандай тетіктер арқылы пайда болатынын және платформалық экономикадағы бәсекелестіктің неліктен ерекше қағидалар бойынша дамитынын қарастырады. Сондай-ақ, басым ойыншылардың әлсіз тұстарын анықтау, бәсекелестік артықшылықтарды тиімді пайдалану және нарықтағы екінші ойыншы рөлінде болса да тұрақты позицияны сақтауға мүмкіндік беретін құралдар сияқты платформаға үміткер компаниялардың стратегияларына ерекше назар аударылады.
Дәріс кәсіпкерлерге, компания басшыларына, product-менеджерлерге, стартап негізін қалаушыларға, сондай-ақ цифрлық өнімдермен және платформалық бизнес-модельдермен жұмыс істейтін мамандарға арналған. Қатысу тегін. Тіркелу сілтеме арқылы: https://terricon.kz/ru/it
Іс-шара Қарағанды облысының цифрлық технологиялар басқармасының қолдауымен ұйымдастырылады.