6-30 шілде аралығында бизнесті басқаруға арналған ең танымал платформалардың бірін тиімді пайдалануға арналған «Битрикс24-пен жұмыс істеудің максималды пайдасын қалай алуға болады» атты практикалық онлайн-курс өтеді. Курс спикері - «Лаборатория цифрового маркетинга» ЖШС директоры, Битрикс24-тің платиналық серіктесі Василь Галимов.
Курс цифрлық құралдардың көмегімен компания жұмысының тиімділігін арттырғысы келетін кәсіпкерлерге, басшыларға, менеджерлерге және мамандарға арналған. Оқыту бағдарламасы теориялық негіздер мен практикалық сабақтарды қамтиды. Бұл қатысушыларға алған білімдерін кәсіби қызметінде бірден қолдануға мүмкіндік береді.
Оқу барысында тыңдаушылар Битрикс24 мүмкіндіктері арқылы командалық жұмысты ұйымдастыру, жобалар мен міндеттерді басқару, бизнес-процестерді автоматтандыру және CRM жүйесін баптаумен танысады. Платформаны қолданудың практикалық сценарийлеріне ерекше назар аударылады. Олар күнделікті қайталанатын жұмыстардың көлемін азайтуға, процестердің ашықтығын арттыруға және команда ішінде, сондай-ақ клиенттермен өзара әрекеттесуді жақсартуға көмектеседі.
Курс қорытындысы бойынша қатысушылар Битрикс24-пен сенімді жұмыс істеп, жүйені өз ұйымының қажеттіліктеріне бейімдей алады. Сонымен қатар бизнес-процестердің тиімділігін арттыру және қойылған мақсаттарға қол жеткізу үшін платформаның құралдарын тиімді пайдалануды үйренеді. Қатысу тегін, тіркелу үшін сілтемеге өтіңіз: https://terricon.kz/ru/bitrix24-course
Іс-шара Қарағанды облысының цифрлық технологиялар басқармасының қолдауымен ұйымдастырылады.
Қашан: 6–30 шілде аралығы (17–22 шілде аралығында үзіліс), жұмыс күндері сағат 18:00-де Формат: онлайн