Қарағанды облысында Unity-де ойын әзірлеу бойынша курсы басталды

Бұқар-жырау ауданының білім беру орталығында әлемдегі ең сұранысқа ие технологиялардың бірі – Unity ойын қозғалтқышына арналған 15 күндік курс басталды. Қатысушылар осы уақыт ішінде бастапқы білімнен бастап, өздерінің толыққанды бірінші ойындарын жасауға дейінгі жолды өтеді.

Курсты тәжірибелі Unity-әзірлеушісі Андрей Авдощенко жүргізеді. Ол қатысушыларға ойын қозғалтқышының құрылымын, деңгейлер мен орталарды жасау жолдарын, кейіпкерлер мен объектілерді қосу және олардың мінез-құлқын бағдарламалау тәсілдерін кезең-кезеңімен көрсетеді. Сонымен қатар, қатысушылар сыртқы ресурстарды қосу, графика мен анимациямен жұмыс істеу, жобаларды тестілеу және финалды презентацияға дайындау жолдарын үйренеді. Курс соңында қатысушылар өз ойындарын көрсетіп, спикерден жеке ұсыныстар алады.

Бағдарламаның негізгі мақсаты – өңірдегі студенттер мен мұғалімдерге практикалық дағдылар беріп, ойын және технологияларды жасауда алғашқы қадамдарды жасауға көмектесу. Unity бүгін тек ойын индустриясында ғана емес, білім беру, сәулет, симуляциялар және AR/VR жобаларында да кеңінен қолданылады, сондықтан осы платформаны меңгеру қатысушыларға кәсіби мүмкіндіктердің кең ауқымын ашады.

Курс Teach for Qazaqstan ұйымының қолдауымен өтеді, ол өңірлерде білім беру бастамаларын дамытуға көмектеседі. Қатысу тегін, тіркелу сілтемесі: https://terricon.kz/ru/

Іс-шара Қарағанды облысының ақпараттандыру, мемлекеттік қызметтер көрсету және архивтер басқармасының қолдауымен өткізіледі.

Қашан: 6-24 қазан (апта ішінде), 17:00-19:00
Өтетін орны: Бұқар жырау ауданы, Ғ. Мұстафин атындағы кенті, Мира көшесі, 13, КММ «Тоқаревка тірек мектебі (Ресурстық орталық)»
Форматы: офлайн – мұғалімдер мен оқушыларға, онлайн – барлық ниет білдірушілерге